kalalawa di pulao rimbang
anak ruso mati tadabiah
kok gawa tolong di Timbang
kok salah ampun nan labiahh
balari bukan nyo kijang
anak ruso di dalam rimbo
badendang bukanyo riang
pangana ngana kampuang kito
hati risao pikiran cewang
mangko di gesek rabab nangko
minang kabao di hoyak gampo gadang
sulik ditutuakan jo kato kato
rumah untuah gedungpun rabah
pakiak jok lolong indak takiro
abih kampuang nagari punah
mayik tabujua dimano mano
tangih pacah di ranah bundo
bumi umpamo ma ampeh diri
antah ko berang tuhan kapado kito
mangko cok iko nan tajadi
gampo gadang kok dibaco
nyorusak dindiang sarato lantai
sandi rusak tonggak binaso
jo apo atok kaditanai
liek lah pondok jok muarao
hotel ambacang tabao sato
sampai siteba jo nan galo
banyak nan hilang tak basuo
tanjuang sandi nan jok bayue
kacinkariang di hari kamih
sansai lah kampuang mayik tabujua
kariang ayie mato dek manangih
di randang jaguang di balango
padi mudo nan duo tangkai
di pandang dusun lah binaso
di caliak kampuang serak baserai
kayu gadang jo karatau
kayu kalek samakin tinggi
nagari tanang tanaman hijao
antah po bilo katacaliak lai
antaro bukik nan jok lurah
disian anao nan ba ijuak
gampo saminik nan baulah
salamo iduik jadi mimpi buruak
presiden di bangka hulu
barumah di tapi ladang
dendang rabab sagitu dulu
lain wakatu di papanjang
Tidak ada komentar:
Posting Komentar